Голоса птиц в музыке.Clément Janequin / Клеман Жанекен.Le chant du rossignol / Пение соловья; Le Chant de l'alouette / Жаворонок

Голоса птиц в музыке.Clément Janequin / Клеман Жанекен
Le chant du rossignol / Пение соловья
Le Chant de l'alouette / Жаворонок

 

 

                                    Le chant du rossignol

En escoutant le chant mélodieulx

Do ses plaisans et tant doulx rossignieulx

Qui vont disant ainsy, ainsy, ainsy,

L'ung d'eux me dist: "Parcy, passez, parcy,

Et vous orrez qui chantera le mieulx."

Tous tous tous tous veulliez estre songneulx

D'amour servir loyaulment en tous lieux

Et luy crier mercy, mercy, mercy.

Fuyez, fuyez, gens merencolieulx

Suyvez, suyvez les dames en tous lieux

Et de soucy dictes fy fy fy.

Retournez cy mardi, mardi, mardi

Et vous serez plus que devant joyeulx.

 

 

                                              L'alouette

Orsus, orsus vous dormez trop,

Ma dame ioliette,

Il est iour levez sus,

Escoutez l'alouette.

Petite, il est iour,

Que te dit Dieu.

Lire, lire, lire, liron.

Qu'on tue ce faulx ialoux cornu, coqu.

Tout chassieulx,

Tout esperdu,

Tout farcineux,

Tout marmiteux,

Tout malostru,

Il ne vault mye les brayes d'ung vieux pendu.

Te rogamus audi nos.

Saincte teste Dieu!

Qu'il soit torche,

Dessiquete,

Batu, frappe,

Qu'il soit brusle,

Qu'il soit huile,

Tue ce coqu, coquin.

Pin chore lire lichim, chin, choc, choc,

floc, floc, cherely lichim fidely, fidely, ocy, ocy.

Coquin, Marault, Lourdin, Lourdaut, Petin,

Petaut, Nyault, Nygault, Bedin, Bedault, Vessin,

Vessault, Coqu, Il est iour,

il est temps d'aller boyre,

Fan, farilarilaron fan

Or, oyez, tue ce villain cornu, coqu!

Hou, hou, hou, qu'il est lait, le ialoux!

Coqu, tortu, bossu!

Cheny, cheny,

Qu'il soit lie,

Tresbien bague, Serre, trousse, Fort garrote,

Et puis gette Dens ung fosse!

Lessez la esiouyr, Saulter, jouer, gaudir,

Chacun entretenir,

Parler à son plaisir,

Veiller et dormir,

Croquir, à plaisir!

On vous faict assavoir,

De par les oyseaulx,

Que courez tost pour veoir,

Par mons et par vaulx,

Le traistre coqu, Teigneux, Tondu, Morveux,

Bossu, Boiteux, Tortu, Rongneux,

Testu, Brigneux, Batu.

Que l'on condanne à mourir, Va, faulx truant,

Coquin, puant, Tout mal pensant,

Et mesdisant!

Soeuffre, soeuffre, soeuffre!

Ou aultrementqu'il soeuffre,

Quant à sa femme on s'offre

De la baiser,

De l'acoler,

De l'embrasser,

Et renverser,

Que chacun face son plaisir!

Ou aultrement t'en va mourir!